– Eit klassisk raudgrønt krav til ei blå regjering
Fagområder
Del artikkel:
Landbruksforskar Reidar Almås meiner bøndenes krav til årets jordbruksforhandlingar har eit tydeleg Småbrukarlagspreg, er ei vidare reversering av Listhaug-lina og lagt opp for å få til ein avtale.
– Eit klassisk raudgrønt krav til ei blå regjering.
Men det betyr ikkje at seniorforskaren ved Ruralis meiner landbruks- og matminister Olaug Bollestad (KrF) vil få eit lett løp.
– Eit av argumenta til partiet for å gå i regjering var distrikts- og landbrukspolitikken. No må ho leve opp til avtalen Jon Georg Dale (Frp) signerte i fjor, som var all time high for bøndene.
Småbrukarlagspreg
Almås beskriv innretninga av bøndenes krav som prega av den nye forhandlingsleiaren frå Norsk Bonde- og Småbrukarlag.
– Bondelaget har strekt seg langt i retning Smårukarlaget, og også i retning av det KrF har sagt om kva type bruk som skal få best utteljing. Det er tydleg at dei vil at lina frå i fjor, med styrka kanaliseringspolitikk, skal vidareførast.